Romë, 5 shtator, NOA – Agjencia e shtypit iranian “Irna” do të bojkotojë për më shumë se një muaj lajmet nga skuadra e Romës. Vendimi ka ardhur pas përfshirjes së drejtuesve të ekipit në fushatën kundër dënimit të gruas iraniane me emrin Sakineh, e cila në bazë të ligjeve islame është dënuar me goditje me gurë për tradhti bashkëshortore.

Agjencia e cila është shumë afër linjës qeveritare iraniane në një njoftim të sajin bënë të ditur se frymëzim i klubit futbollistik italian ka ardhur nga ana e Shteteve të Bashkuara të Amerikës.

Afganistan, 5 shtator, NOA - Mediat e Japonisë raportojnë për lirimin e një gazetari japonez që ishte marrë peng nga talibanët në Afganistan. Lirimi i gazetarit u bë pas 5 muaj mbajtjeje peng.

Agjencia japoneze e lajmeve, Xhixhi, citon një diplomat i cili thotë se gazetari Kosuke Tsuneoka pasi ishte raportuar si i humbur në veriun e Afganistanit në muajin prill, tani gjendet ne ambasadën japoneze në Kabul.

Dagestan, 5 shtator, NOA  - Zyrtarë të sigurisë në Dagestan thonë se pesë ushtarë rus janë vrarë dhe 35 janë lënduar pas shpërthimit të një bombe vetvrasëse e vendosur në një makinë.

Autoritetet thonë se sulmuesi i jepte makinës bombë në drejtim të ushtarëve që kishin vendosur një kamp në afërsi të qytezës Buinaksk, rreth 50 km larg kryeqytetit Makhachkala.

Kalabri, Itali, 5 Shtator 2010 NOA - Rreth 40 emigrantë me kombësi nga Egjipti janë gjetur nga skuadra speciale e Reggio Calabria në Grotteria dhe kjo pasi zbarkuan në bregun e jonit në Reggina.

Monza, Itali, 5 Shtator 2010 NOA/ Rid Bulku - Është përdhunuar nga një djalë, të cilin e njohu në internet nëpërmjet një miku të saj, ndërsa një i tretë qëndronte duke i xhiruar me kamerë me anë të celularit të tij. Gjithçka ka ndodhur në Varedo, një provincë e Monzës, më datë 6 gusht.

Havanë, 5 Shtator 2010 NOA - Ish-presidenti kuban Fidel Castro ka folur përballë mijëra studentësh në shkallët e Universitetit të Avana, duke evokuar me nostalgji kohët e tij të revolucionit.

Itali, 4 shtator NOA - “Më vjen shumë keq për gjithçka ka ndodhur”. E shkruan në një letër të publikuar ekskluzivisht për News Mediaset, 16-vjeçarin, i cili më 2 gusht vrau në Bronte të Katanias, Matteo Galati, 13-vjeç si rrjedhojë e një përleshje për një vajzë. Fjalët e 16-vjeçarit vijnë nga burgu i minoreneve të Bicoca në Catania.

SHBA, 4 shtator 2010 NOA/ Rid Bulku - Një platformë nafte në brigjet e Luiziana, në gjirin e Meksikës, ka marrë zjarr. Trembëdhjetë punonjësit që ndodheshin mbi impiant janë hedhur menjëherë në ujë dhe shpëtuan falë ndihmës së rojeve bregdetare.

Itali, 4 shtator NOA - Një djalë 12-vjeçar nga Mornico al Serio (Bergamo) është vetëvrarë pas shumë ankesave që kishin prindërit në drejtim të tij.

Paris, 4 shtator, NOA – Përfaqësuesit e komunitetit rom në Francë kanë vërshuar rrugëve me thirrjet “Të shporret Sarkozi”, pas nismave të presidentit francez për t’i dëbuar ata.

Rebelimet e planifikuara në mbi 130 qytete në Francë si edhe para ambasadave të vendeve evropiane në Paris, organizuar nga dhjetëra shoqata dhe organizata që mbrojnë të drejtat e njeriut, me mbështetjen e sindikatave dhe partive të opozitës kanë përbërë një sfidë të vërtetë për presidentin Nikolas Sarkozi.