Bagdad, 28 gusht, NOA - Tri ditë para përfundimit zyrtar të misionit luftarak të ushtrisë amerikane në Irak, kryeministri irakian Nuri al Maliki shpalli shkallën më të lartë të alarmit në vend.

Qeveria e tij ka informacione sipas të cilave rrjeti terrorist i Al Kaidës dhe ithtarë të ish-pushtetmbajtësit Saddam Hyssein kanë planifikuar sulme, tha Maliki në Bagdad.

Moskë, 28 gusht, NOA - Kryeministri Vladimir Putin tha se Rusia do të nisë anije kozmike nga territori rus deri në vitin 2018.

Kryeministri rus shpjegoi se është nevojë e Rusisë që të ketë kozmodromin e vet për anijet kozmike. Mendohet se infrastruktura për këtë qëllim do të ngrihet në Lindjen e largët ruse, 5800km larg Moskës.

Pakistan, 28 gusht, NOA  - Një grup militantësh të armatosur janë përpjekur mëngjesin e sotëm të hyjnë në një nga zonat e sigurta të ushtrisë pakistaneze në veriperëndim të vendit.

Përpjekja e tyre u zmbraps gjatë një përleshje të armatosur nga rojat ushtarake.

Tajlandë, 28 gusht, NOA – Shumë pak mund të mos e kenë parë filmin me aktorin Nikola Skejxh me titull, “Zoti i Luftës”. Në të pasqyrohet historia e një trafikanti armësh rus, i cili arrinte t’ua hidhte gjithmonë autoriteteve duke shfrytëzuar lidhjet që kishte me drejtuesit e qeverive të ndryshme.

Personazhi i filmit është real dhe quhet Viktor But, tashmë i arrestuar për llogari të amerikanëve në Tajlandë. But është në pritje të gjyqit dhe ekstradimit, por duket se kjo çështje ka futur në lojë interesat e shumë vendeve, duke qenë se But ka informacion për shumë trafiqe. Gjithsesi ai thotë se është një biznesmen i ndershëm që nuk ka lidhje me armët.

Teheran, 28 gusht, NOA - Burimet zyrtare iraniane njoftojnë se tre persona kanë vdekur dhe 40 të tjerë janë plagosur nga tërmeti.

Tërmeti me fuqi 5.9 ballë të shkallës Rihter goditi dje shkretëtirën Dasht-e Kavir në Iran si dhe qytetin e Damganit, në jug të vendit.

Nju Jork, 28 gusht, NOA - Sipas Organizatës së Kombeve të Bashkuara për mbrojtjen e fëmijëve - UNICEF, të prekurit nga katastrofa e përmbytjeve në Pakistan kanë nevojë për tre herë më shumë mbështetje se sa ajo që vlerësohej deri tani.

Vetëm për mbulimin e nevojave urgjente me ushqime në tre muajt e ardhshëm nevojiten rreth 111 milionë euro, njoftoi UNICEF në Paris.

Afganistan, 28, gusht, NOA - Një grup prej rreth 30 luftëtarësh talebanë ka sulmuar një bazë të forcave amerikane në lindje të Afganistanit.

Një zëdhënës i NATO-s sqaroi se në bazën ushtarake Chapman në krahinën Ghost ka luftime të vazhdueshme. Megjithatë nuk ka të dhëna për viktma të mundshme.

Moskë, 28 gusht, NOA - Rusia ende nuk është rimëkëmbur plotësisht nga kriza, dhe do të vazhdojë me masat anti-krizë, deklaroi kryeministri Vladimir Putin.

"Bashkë me pjesën tjetër të ekonomive botërore, ekonomia jonë dalëngadalë po rimëkëmbet nga kriza. Por rimëkëmbja nuk do të jetë e shpejtë", ka thënë Putin.

Moskë, 27 Gusht 2010 - Në Rusi po vazhdojnë kërkimet për vrasësit e çiftit bashkëshortor, të cilët punonin për shërbimin e sigurisë FSB, trashëgimtar i KGB-së.

Tiranë, 27 Gusht 2010 NOA – Të marrësh tetë mijë euro në muaj është një rrogë e majme qoftë dhe nëse je president i Republikës. Kështu është gjykuar nga autoritetet sllovake të cilat vendosën të ulin rrogën mujore të kryetarit të shtetit.