Tiranë, 23 Qershor, NOA Update – Procesi i integrimit për Shqipërinë drejt Bahskimit Evropian është i pandalshëm.

Një fakt të tillë, kryeministri Berisha e ka theksuar ndër të tjera gjatë fjalës së mbajtur në mbledhjen e qeverisë, ku ka komentuar me entuziazëm miratimin e sotëm të rezolutës për Shqipërinë për integrimin, nga ana e Parlamentit Evropian.

Strasburg, 23 Qershor, NOA Update – Komisioni i Jashtëm i Parlamentit Evropian sapo ka miratuar në mbledhjen e paradites së sotme rezolutën për procesin integrues të Shqipërisë, megjithë propozimin për shtyrjen sërish të saj nga anëtarët socialistë të tij.

Në këtë mënyrë, nuk është lejuar të ndodhë ajo që ndodhi më 1 qershor, kur nisur nga situata e rënduar politike në Shqipëri, europarlamentarët e panë me vend që të shtyhej miratimi i rezolutës e cila merr në konsideratë heqjen e afërt të vizave me Bashkimin Evropian.

Strasburg, 23 Qershor, NOA – Parlamenti Evropian pritet që të marrë në shqyrtim gjatë punimeve të tij të sotme, rezolutën për procesin integrues të Shqipërisë, e cila në fakt  ishte parashikuar që të votohej më 1 qershor, por kjo u shty për shkak të krizës politike në vendin tonë.

Në pritje të një zgjidhje të mundshme të ngërçit politik, për çështjen e transparencës së zgjedhjeve të 28 qershorit, europarlamentarët duket se e panë me vend që të mos ta votonin atë, por ende nuk dihet ç’mund të ndodhë sot, kur sërish kemi një situatë ende të pazgjidhur të krizës politike në Shqipëri.

Berlin, 17 qershor, NOA – Gjermania mbështet plotësisht liberalizimin e vizave për qytetarët shqiptarë dhe integrimin e plotë të Shqipërisë në Bashkimin Europian.

Këtë premtim të shtetit gjerman, e deklaroi zëvendës kancelari dhe ministri i Jashtëm gjerman, Guido Westewelle në takimin që pati me zëvendëskryeministrin shqiptar dhe ministrin e jashtëm, Ilir Meta, ku evidentoi progresin e ndjeshëm që ka bërë Shqipëria lidhur me çështjet e integrimit.

Bruksel, 17 Qershor 2010 NOA - Kryetari i Delegacionit austriak në Grupin e Partive Popullore Evropiane dhe anëtar i Komitetit të Punëve të Jashtme të Parlamentit Evropian, Ernest Strasser shprehu sot mbështetjen e tij të vazhduar për qeverinë e Kryeministrit Sali Berisha në Shqipëri.

Ndonëse pohon se “situata politike në Shqipëri është e dëmshme për vendin dhe e dëmshme për perspektivën evropiane të Shqipërisë”, z. Strasser shton: “Unë shpresoj sinqerisht se Shqipëria do të marrë të gjitha masat e nevojshme për ta drejtuar vendin drejt anëtarësimit në BE”.

Tiranë, 16 qershor, NOA – Bashkimi Europian dhe vendet e Nismës së Europës Qendrore mbështesin Shqipërinë në integrimin e shpejtë të saj brenda BE-së, që nënkupton se hapi më i shpejtë që konfirmon përkrahjen, është liberalizimi i vizave me Shqipërinë.

Këtë deklaratë zëvendëskryeministri dhe ministri i Jashtëm, Ilir Meta e bëri pas samitit të NEQ, i mbajtur në Budva të Malit të Zi.

“Pas takimit të Ministrave të Jashtëm të Nismës së Evropës Qendrore në Budva, konfirmoj edhe njëherë mbështetjen e vendeve anëtare të Bashkimit Evropian, të cilat janë edhe anëtare të kësaj nisme, në mënyrë të veçante të Italisë, Austrisë, por edhe vendeve të tjera në përkrahje të liberalizimit të vizave për Shqipërinë”, deklaroi ministri i jashtëm.

“Njëkohësisht, tha Meta, “aty u shpreh, përkrahja dhe mbështetja për Shqipërinë dhe Malin e Zi për marrjen e statusit të vendit kandidat për në BE sa më shpejt, në të ardhmen e afërt.”

Luksenburg, 15 qershor, NOA – Komisioneri për Zgjerimin në BE, Stefan Fule, ka deklaruar se në muajin nëntor të këtij vitit Këshilli i Ministrave të BE-së do të paraqes opinioni në lidhje me marrjen e statusit të vendit kandidat për Shqipërinë.

Në deklaratën e dhënë gjatë takimit me ministrin e jashtëm të Malit të Zi, Milan Rocen, Komisioneri Fule është shprehur se mendimin i Këshillit do të jepet në të njëjtën kohë me Malin e zi.

E plotë - Konkluzionet e Këshillit të Ministrave të Jashtëm të BE mbi Shqipërinë

Luksemburg, 14 Qershor 2010 NOA - Konkluzionet e Këshillit të Ministrave të Jashtëm të Bashkimit Europian mbi Shqipërinë pas mbledhjes së zhvilluar sot, kërkojnë që “Qeveria e Shqipërisë së bashku me opozitën që të gjejnë shpejt, në një mënyrë transparente dhe në respekt të plotë të Kushtetutës së Shqipërisë, zgjidhje dhe rrugë përpara, të cilat do të jenë të nevojshme për vendin në rrugën e tij drejt BE-së”.

Mbledhja e Këshillit të Ministrave të Jashtëm të Bashkimit Europian, u mbajt sot, 14 Qershor, në Luksemburg, dhe u ndal në situatën e Vendeve të Pallkanit Perëndimor.

Luksemburg, 14 Qershor, NOA – Këshilli i Ministrave të Jashtëm të Bashkimit Europian vazhdon të jetë i shqetësuar për situatën politike në Shqipëri pas zgjedhjeve të përgjithshme të 28 qershorit 2009.

Ky ka qenë përfundimi i arritur për Shqipërinë në mbledhjen e sotme të këtij institucioni të BE-së, i cili u mblodh sot në Luksemburg në një takim të posaçëm për situatën në Ballkanin Perëndimor.

Luksemburg, 14 Qershor, NOA – “Ne jemi shumë të interesuar për ecurinë e situatës politike në Shqipëri dhe po përpiqemi të gjejmë një zgjidhje, në mënyrë që Shqipëria të mos bëjë hapa pas në rrugën e integrimit evropian”.

Kështu i është përgjigjur pyetjes së gazetarëve për Shqipërinë, kryekomisionerja e Jashtme e Bashkimit Evropian, Catherine Ashton, gjatë një konference për shtyp në Luksemburg, në kuadrin e një konference që zhvilluan sot aty ministrat e Jashtëm të vendeve anëtare të BE-së.