Moskë, 25 gusht, NOA - Versioni rus i revistës “Forbes” raporton se kryebashkiaku i Moskës, Juri Luzhkov, është zyrtari më i pasur shtetëror në Rusi. 73 vjeçari Luzhkov mban pozitën e të parit të kryeqytetit rus, Moskë, që 18 vitesh, ndërsa mandati aktual i përfundon në vitin 2011.

“Forbes” jep të dhëna të përgjithshme edhe për familjen e Luzhkov, pasuria e të cilës arrin në 1 miliard dollarë për vitin 2009.

Boston, 25 gusht, NOA- Ka lindur Rachel Maria, e bija e Sandro Sechi dhe e bashkëshortit Erik Mercer, një çift homoseksualësh, bijë të pastorëve protestantë, të martuar në Massachusetts.

Një mikeshë e fëmijërisë të Erik, Rachel Segall, e martuar dhe mama e tre fëmijëve, është ofruar si një “nënë zëvendësuese”, duke u vënë në dispozicion dhe vendosur ovulë të një tjetër femre. Kjo ishte rruga e cila solli në jetë vogëlushen, që tashmë mund të themi se është vajzë e dy baballarëve dhe e dy nënave.

Kaliforni, 25 gusht, NOA- Për të gjithë të apasionuarit e serialit televiziv Lost, ka qenë me të vërtetë një rast unik në llojin e tij. Ditë më parë në aeroportin e Santa Monica në Kalifornia, është organizuar një ankand, i cili nxori në shtije shumë objekte të cilat kanë qenë pjesë e këtij seriali.

Kanë qenë përafërsisht mijëra relike ndër të cilat mund të përmendim shumë veshje, por dhe pjesë të avionit dhe shumë objekte të tjera që janë përdorur në seri të shumta të Lost.

Pekin 25 Gusht NOA - Autostrada që lidh Pekinin me Tibetin është paralizuar për më shumë se 100 kilometra, në një zinxhir makinash, vërtetë për rekord. Me mijëra makina dhe shoferë janë në radhë, që prej 9 ditësh dhe autoritetet kanë deklaruar se zgjidhja e kësaj çështje nuk mund të bëhet më shpejt se një muaj.

Origjina e këtij trafiku rekord, kanë qenë punimet e rrugës pranë saj, National Expressway 110, që shumë shpesh përdoret nga kamionët.

Kroaci, 25 Gusht NOA - Një martesë në lëvizje ka qenë ajo e një 30-vjeçareje nga Kroacia, që iu desh të largohej nga dreka e dasmës, pasi lindi vajzën e saj vetëm pak minuta pasi kishte mbaruar ceremoninë.

“Kishte disa ditë që ankohej se nuk ndihej mirë”, - tha një e afërmja e saj.

SHBA, 25 Gusht NOA - Kampioni i golfit, Tiger Woods dhe ish guraja e tij Elin Nordgreen, janë divorcuar. Kështu mund të themi se ish-zonja Woods ka siguruar një pjesë të mirë të pasurisë së sportistit, e cila flitet të jetë nga 100 deri në 150 milionë dollarë. Për sa i përket kujdestarisë së fëmijëve, Sam Alexis 3 vjeç, Charlie Axel 1, ajo u përket të dyve.

Ndarja ka ardhur si fryt i tradhtive të shumta të atletit në drejtim të bashkëshortes së tij. Të dy u paraqitën përpara trupit gjykues të qytetit të Panamasë, në Florida dhe përpara gjykatësit nënshkruan akordin e divorcit.

Las Vegas, 25 Gusht NOA - Jimena Navarrete, 22 vjeçe, nga Meksika, është zgjedhur Mis Universi 2010 në Las Vegas. Vendi i dytë ishte për Mis Xhamajka, Yendi Phillipps, ndërsa në vendin e tretë u pozicionua australiania, Jesinta Campbell.

Navarrete, me origjinë nga Guadalajara, ka arritur të fitojë kështu kurorën e edicionit të 59-të të konkursit, që pati në pjesëmarrje të tij, 83 bukuroshe nga e gjithë bota duke luftuar për fitimin e titullin.

Japoni, 24 gusht, NOA - Televizioni në 3D pa syze, do të jetë gati dhe madje në shitje para fillimit të Krishtlindjeve. Ky është premtimi revolucionar i Toshibas.

Las Vegas, 24 gusht, NOA – Meksikania Jimena Navarrete, 22 vjeç, është zgjedhur Mis Universi 2010. Juria i dorëzoi çmimin e bukurisë së Botës bukuroshes meksikane mbrëmjen e djeshme në konkursin e organizuar në Las Vegas.

Në vend të dytë u rendit bukuroshja nga Jamajka, Yendi Filips, ndërsa në vend të tretë u rendit Jesinta Kampell nga Australia.

Kajro, 24 gusht, NOA - Në Egjipt, një zyrtar i Ministrisë së Kulturës dhe katër zyrtarë tjerë janë arrestuar në lidhje me hetimet për vjedhjen e një pikture të Vinsent Van Gog nga muzeu i Kairos, e cila vlerësohet në dhjetra milionë dollarë.

Raportohet se prokurori i përgjithshëm ka urdhëruar ndalimin e Mohsen Shalan, kreun e departamentit të arteve, i cili bashkë me të tjerët akuzohen për neglizhencë.