Tiranë, 27 nëntor, NOA - Besimtarët myslimanë festojnë sot festën e Kurban Bajramit dhe në Tiranë ata janë duke kryer ritin e faljes para xhamisë kryesore të qytetit, atë të Et'hem Beut.
Ndërkaq, edhe në xhaminë e Prishtinës, besimtarët myslimanë falën këtë mëngjes Namazin e Kurban Bajramit.
Muftiu i Kosovës, Naim Tërnava, në mesazhin e tij ka thënë se kjo ditë përforcon ndjenjën e humanitetit, të solidaritetit dhe të bamirësisë.
Nga Blerina Ahmetaj
Tiranë, 26 Nëntor NOA- Qeveria e Suedisë do t'i sigurojë mbështetje Shqipërisë duke kontribuar me 2,9 milionë dollarë përmes programit "Një OKB".
Tiranë, 26 nëntor NOA - Presidenti i Republikës, Bamir Topi priti sot paradite, në kuadër të 16 ditëve të sensibilizimit kundër dhunës ndaj grave, përfaqësuese të gjashtë shoqatave, pjesë e Rrjetit të Fuqizimit të Grave Shqiptare, konkretisht të Qendrës Sociale për Gra e Vajza-Durrës, të Qendrës "Forumi i Gruas"- Elbasan, të Qendrës "Gruaja tek Gruaja"-Shkodër, të Qendrës "Unë Gruaja Pogradec", të Qendrës Psiko Sociale "Vatra"-Vlorë dhe të Qendrës "Aleanca Gjinore për zhvillim"-Tiranë.
Tiranë, 26 nëntor NOA - Ministri i Mjedisit, Pyjeve dhe Administrimit të Ujerave, Fatmir Mediu, pati një takim me drejtorin e përgjithshëm të drejtorisë për Evropën në Ministrinë e Jashtme Italiane, Mario Bova.
Uashington, 26 nëntor, NOA - Në Shtetet e Bashkuara të Amerikës sot shënohet Dita e Falënderimeve, një festë kjo tradicionale e popullit amerikan që përkujton ngjarjet e para 400 viteve kur vendasit indianë dhe emigrantët evropianë kanë festuar së bashku.
Tiranë, 25 Nëntor NOA - Shoqëria civile rikonfirmon vullnetin e riaktivizimit të Këshillit Rinor Shqiptar dhe shpalos një etapë të re të përfaqësimit të shoqërisë civile në vend.
Tiranë, 25 nëntor NOA - Gripi i derrave ka infektuar katër nxënës në katër shkolla 9-vjeçare në Tiranë.
Mësohet se inspektorë të Drejtorisë Arsimore në Tiranë verifikojnë çdo ditë mungesat e raportuara nga 79 shkollat e arsimit parauniversitar, me qëllim marrjen e masave për parandalimin e virusit A/H1N1.
Prej raportimeve inspektorët kanë evidentuar nxënës të prekur nga gripi i derrave në katër shkolla.
Tiranë, 25 nëntor NOA - G99 protestoi sot para Ministrisë së Ekonomisë dhe Energjetikës kundër rritjes së çmimit të energjisë, në kohën kur ERE zhvillonte një seancë dëgjimore pikërisht për këtë rritje, të cilën ministria e drejtuar nga Dritan Prifti nuk e ka kontestuar aspak.
Tiranë, 25 nëntor NOA - Ambasadori i SHBA-së në Tiranë, John Withers zhvilloi sot një takim me studentët e gazetarisë në fakultetin e Histori-Filiologjisë, ku gjatë fjalës së tij, vuri theksin mbi dhunën në familje në Shqipëri, të cilat kapin shifra shokuese.
Tiranë, 24 nëntor NOA - Dhuna në familje vazhdon të mbetet fenomen shqetësues për shoqërinë shqiptare. Statistikat e 9 mujorit të këtij viti tregojnë një rritje të shifrave të rasteve kryesisht tek fëmijët dhe gratë.
Tiranë, 24 Nëntor NOA-Deri në fund të muajit mars, pacienti shqiptar do të paguajë për shërbimet shëndetësore në spitalet publike në bazë të tarifave të vendosura nga ministria e Shëndetësisë. Pas këtij muaji, Instituti i Sigurimeve të Kujdesit Shëndetësor do të përcaktojë kostot për çdo shërbim të ofruar në spital, që nga vizitat e deri tek ndërhyrjet kirurgjikale.
Drejtoresha e ISKSH, Elvana Hana theksoi se për vendosjen e kostove në spitale, duhet të përgatiten më parë protokollet e sëmundjeve, gjë e cila nuk është bërë deri tani.
