Athinë, 21 gusht, NOA – Pushimet verore të këtij viti kanë qenë të veçanta për 22 fëmijë, baballarët e të cilëve, punonjës të Policisë së Shtetit, kanë rëndë në krye të detyrës.

Në kuadër të marrëdhënieve miqësore ndërmjet Drejtorisë së Përgjithshme të Policisë së Shtetit dhe Policisë Greke, gjatë këtij sezoni veror, 22 fëmijë të punonjësve të policisë kanë shkuar për pushime në Greqi.

NGA NOA NE BASHKEPUNIM ME APRIAL

Tiranë, 20 gusht 2010 NOA - Ministria e Arsimit dhe Shkencës ka bërë publik sot për herë të parë, Librin e Transparencës ku gjenden të gjithë komponentët e Maturës Shtetërore për maturantët e këtij viti. Ndërkohë bëhet publike për herë të parë edhe mënyra se si do të përllogariten pikët.

Si llogariten pikët

Llogaritja e pikëve të secilit prej kandidatëve bëhet në bazë të kombinimit të formulave të realizuara në një program kompjuterik për programet e studimit pa konkurs dhe për programet e studimit me konkurs.

Qeparo, 20 gusht 2010 NOA - Ministria e Mbrojtjes i është përgjigjur menjëherë iniciativës së Qeverisë dhe porosisë së veçantë të Kryeministrit Sali Berisha për të zbatuar projektin: “Politikat për Zhvillimin e Turizmit”, i mbështetur edhe nga Ministria e Kulturës, Rinisë dhe Sporteve dhe Njësia Bashkiake Nr. 10, në kryeqytet, i cili do të zgjasë në muajt gusht - shtator.

Tiranë, 20 gusht, NOA – Ministri i Mjedisit Pyjeve dhe Administrimit të Ujërave, Fatmir Mediu ka kërkuar sot ndëshkim maksimal për të gjithë ata që abuzojnë me mjedisin.

Ministri Mediu në këtë kontekst theksoi se “Inspektoriati i Mjedisit në bashkëpunim me organet e tjera shtetërore duhet të vijojë masa drastike për subjektet, që shkarkojne ujëra të ndotura në mjedis dhe nuk i trajtojnë ato. Ështe e papranueshme dhe e turpshme të ndertosh hotel për turizëm në bregdet dhe 5 metra më tej të ndotësh detin apo mjedisin duke ndërtuar një turizëm mbi ujëra të zeza”, vuri në dukje zoti Mediu, duke përsëritur deklaratat e forta të një jave më parë të kryeministrit Berisha, për tolerancë zero ndaj ndotësve të mjedisit bregdetar.

Tiranë, 19 gusht, NOA – Ministria e Transporteve ka inauguruar sot nisjen e punimeve për ndërtimin e godinës së  re të ANTA-s (Agjencisë Nacionale të Trafikut Ajror dhe të kullës së kontrollit.

I pranishëm në këtë cermoni ka qenë dhe ministri Sokol Olldashi, i cili u shpreh se ndërtimi i këtij objekti i shërben infrastrukturës moderne dhe standardeve teknike që duhet të plotësojë Agjencia e Trafikut Ajror Shqiptar.

Nju Jork, 18 gusht, NOA - Komiteti për Eliminimin e Diskriminimit ndaj grave dhe vajzave në Organizatën e Kombeve të Bashkuara publikoi rekomandimet e fundit për Shqipërinë në lidhje me të drejtat e grave, ku kërkohet ndër të tjera ndryshimi i Kodit Penal si dhe të merren më shumë masa për t’u ofruar ndihmë dhe rehabilitim viktimave të trafikimit.

Në këtë kuadër, OKB kërkon që Shqipëria të ndryshojë Kodin Penal në mënyrë që të kriminalizohen dhe procedohen të gjitha aktet e dhunës në familje.

Tiranë, 18 gusht, NOA – Rritet me me 3,5 %, niveli bazë i të së ardhurës nga papunësia, duke u siguruar për herë të parë të papunëve, më së paku një nivel minimal jetese, në kuadër të indeksimit të çmimit të konsumit.

Këtë vendim “për caktimin e nivelit bazë të së ardhurës nga papunësia” e ka miratuar sot këshilli i Ministrave në mbledhjen e përjavshme.

Tiranë, 18 gusht, NOA – Qeveria vendosi sot që të rrisë nivelin e pagesës që u bëhet nga shteti, personave që janë të papunë. Në mbledhjen e sotme të Këshillit të Ministrave u miratua vendimi “Për caktimin e nivelit bazë të së ardhurës nga papunësia”, vendim i cili parashikon një rritje me 3.5 për qind.

Sipas vendimit të qeverisë kjo rritje me 3,5 %, siguron të paktën një nivel jetese minimal, në kuadër të indeksimit të çmimit të konsumit.

Tiranë, 18 gusht, NOA – Ministria e Mjedisit ka gjobitur 99 bashki dhe komuna në të gjithë vendin për kalimin e normës së ndotjes.

Drejtori i Kontrollit të Mjedisit, Alfred Deshati deklaroi sot gjatë një konference për mediat se masat janë marrë edhe për subjekte private të cilat nuk kanë repsketuar ligjin.

Në listë, ndër të tjerat bëjnë pejsë, bashki të mëdha si ajo e Durrësit, Gjirokastrës, Elbasan Lezhë, etj. Gjobat e vendosura nga Ministria e Mjedisit variojnë nga 1 milionë lekë deri në 50 mijë lekë.

Tiranë, 17 gusht, NOA – Ministri i Shëndetësisë, Petrit Vasili u ka kërkuar mjekëve që me hapjen e spitalit të ri, të Urgjencës, brenda këtij viti, të shkohet drejt uljes së ditëqëndrimit të pacientëve në ambientet spitalore. Këtë kërkesë ministri e bëri gjatë prezantimit pranë Qendrës Spitalore Universitare “Nënë Tereza” të fazës së parë të masterplanit që do të modernizojë QSUT-në.

“Ajo, që ne duam të synojmë është ulja e ditëqëndrimit të pacientit në spital. Dihet që kemi shifra të larta, ndaj edhe kërkoj nga ju që me hapjen e spitalit të ri, të synohet edhe më shumë kjo, duke shkuar drejt shërbimit ambulator, për ato raste urgjente të cilët nuk kanë nevojë të qëndrojnë gjatë” ka theksuar Ministri i Shëndetësisë, Petrit Vasili.