Bruksel, 13 Gusht, DW – Një studim i ri ka nxjerrë rezultatin se papunësia e të rinjve në botë ka arritur nivel rekord, veçanërisht në vendet e zhvilluara dhe në Evropën Lindore. 81 milionë të rinj nga 15 deri 24-vjeçarë kanë qenë pa punë në fund të 2009.

Organizata ndërkombëtare e punës, ILO, thotë se tregu u punës për të rinjtë ka qenë i favorshëm deri në vitin 2007.

Korçë, 12 Gusht, NOA – Paraqitën një dokument të falsifikuar që ka të bëjë me vjetërsinë, me qëllim përfitimin e një pensioni nga shteti, por janë zbuluar dhe aktualisht po ndiqen nga forcat e policisë.

Bëhet fjalë për katër persona nga rrethet e Korçës, Ersekës dhe Pogradcit, që siç raportohet për agjencinë e Lajmeve NOA, ndaj tyre ka filluar procedimi penal në gjendje të lirë për veprën penale të “Falsifikimit të dokumentave”, parashikuar  nga  neni 186 i Kodit Penal.

Tiranë, 11 Gusht, NOA – Punimet që po kryen Operatori i Shpërndarjes së energjisë në linjat e transmetimit Kinostudio-Lanabregas-Qafmollë, do të shkaktojë ndërprerje të furnizimit me ujë të pijshëm për dy ditë më radhë në zona të ndryshme të kryeqytetit.

Bëhet fjalë kryesisht për ato që furnizohen me ujë nga burimet e Selitës dhe Shën-Mërisë, si Qyteti Studenti, Tirana e re, Qendra e Tiranës duke shkuar deri në Kombinat, që të gjitha të ndara nga ato që furnizohen në fakt me ujësjellësin e Bovillës.

Vlorë, 10 Gusht, NOA – Në pikun e sezonit të verës, kur aksi Vlorë-Sarandë kthehet në një nga më të frekuentuarit për pushuesit e rivierës shqiptare, një protestë e ka bërë tërësisht të pakalueshëm atë në orët e paradites së sotme.

Bëhet fjalë për një protestë të organizuar nga banorët e fshatit të Dukatit, të cilët kanë dalë në shesh për të kërkuar të drejtën e pronës, që sipas tyre, ende nuk u është plotësuar duke ua lënë tërësisht të pazgjidhur.

Elbasan, 9 Gusht, NOA – Pasi kanë mëse një javë në një grevë të përgjithshme, punonjësit e Metalurgjikut në Elbasan, kanë paralajmëruar ditën e sotme se do të futen në grevë urie nëse nuk plotësohen kërkesat e tyre.

Madje kanë caktuar edhe një afat konkret kohor, siç është ora 12.00, për të iniciuar grevën e urisë që sipas tyre, do të ndërmerret nëse drejtuesit e kompanisë “Kurum”, nuk ndërmarrin hapa konkretë për plotësimin e kërkesave të tyre.

Tiranë, 9 Gusht, NOA – Ditën e nesërme, pritet që nga Ambasada Italiane të shpallen  fituesit e universiteteve italiane, për ato degë të cilat nuk kanë nevojë për konkurs.

Kjo daton sipas listës së datave të publikuara nga ky institucion për pranimet në të gjitha universitetet italiane, për ku janë interesuar studentët shqiptarë.

Sarandë, 8 gusht, NOA – Kanë përfunduar punimet në 22 kilometra të superstradës Sarandë – Konispol. Sot ministri i Transporteve Sokol Olldashi ka inspektuar punimet për realizimin e kësaj vepre që do të rrisë ndjeshëm cilësinë e qarkullimit në këtë zonë.

Superstrada Sarandë- Konispol përbëhet nga dy seksione, Qafë Botë-Krane dhe Krane – Sarandë.Aktualisht  përqendrimi më i madh i punimeve  është  te dy urat, ajo e Kanes dhe  e kryqëzimit të Delvinës, deklaron Ministria e Transporteve.

Tiranë, 7 gusht, NOA – Ambasada Amerikane në Shqipëri, ka zhvilluar sot një ceremoni të posaçme për nderimin e dy punonjësve të saj, të vrarë në 1947-ën nga ish-regjimi komunist.

Kështu, për nder të Loni Adamit dhe Kol Kuqalit është ngritur edhe një memorial.

Pilur, 6 Gusht, NOA – Me infrastrukturën që ndërtojmë, në qoftë se në 5 vite arritëm në 3 milion turistë, në vitet që vijnë, Shqipërinë do ta vizitojnë jo më pak se 7 milion turistë nga mbarë bota.

Me këto fjalë iu është drejtuar banorëve të Pilurit kryeministri Berisha, gjatë një ceremonie mbi përfundimin e lotit të parë prej 4 km të rrugës që lidh fshatin Pilur me bregdetin, sipas të cilit,  në këto 5 vite, vetëm në territorin e bashkisë së Himarës janë investuar 5 miliard lekë, janë ndërtuar 40 kilometra rrugë të fshatrave dhe 22 kilometra në rrugën Palasë-Borsh.

Vlorë, 6 gusht, NOA – Autoriteti Kombëtar i Ushqimit ka pezulluar sot aktivitetin e dy subjekteve të prodhimit, ambalazhimit dhe tregtimit të ujit të pijshëm në qarkun e Vlorës.

Gjatë kontrolleve që iu bë subjekteve “Llogara”, dhe “Pango” u gjetën mangësi në dokumentacionin teknik si dhe defekte të tjera në kushtet tekniko teknologjike.