Duket se nuk ka asnjë dyshim se atentati ndaj aktorit Mishel Prela ishte një vrasje e porositur me pagesë, që mbeti në tentativë.
Panorama publikon një kopje të kërkesës së Prokurorisë së Tiranës për caktimin e masës së sigurisë për të pandehurit, ku zbardhen dëshmitë e plota të personave nën hetim për këtë ngjarje dhe mesazhet e shkëmbyera.
Më poshtë mund të lexoni mesazhet që atentatori i aktorit Mishel Prela, Shkëlzen Buci shkëmbeu me bashkëpunëtorin në ngjarje Miklar Tola.
Policia ka sqaruar se vrasja e 31-vjeçarit Prela ishte porositur për hakmarrje nga Ervin Zallumi i cili kishte ofruar 80 mijë euro që të vritej aktori, ndërsa vrasjen e mori përsipër Shkëlzen Buci nga Peshkopia bashkë me tre të tjerë.
“Pas kontrollit që i është bërë automjetit me targa AA563FB është gjetur një telefon i tipit “Nokia” ngjyrë e zezë. Nga këqyrja e rubrikës së mesazheve të këtij aparati telefonik, në mesazhet e dërguara dhe të ardhur rezulton se janë të regjistruara tre numra telefonikë si 067****** regjistruar me Nr.22, numri tjetër 069******* regjistruar me shkronjat Xxx dhe numri tjetër 067****** me shkronjat Zzz”. Mësohet se nga këto numra tek rubrika sms ka ardhur sms nga numri 067****** me këtë tekst: “Te Fadili urgjent”, datë 20.07.2017 ora 21:20.
Po në këtë datë ora 21”16 teksti “Hajde te pistonat”.
Po në këtë datë ora 21:13, është gjetur një tjetër mesazh “Hajde për pazar shpejt”.
Gjithashtu nga numri i regjistruar me Xxx, ka ardhur një sms më datë 20.07.2017, ora 20:03 teksti “këtu jam”.
Me tej lexohet edhe një mesazh me këtë tekst: “si është situata”.
Këto lidhen ngushtësisht me dinamiken e ngjarjes dhe veprimet e autorëve. Gjatë këqyrjes së automjetit, ndër të tjera brenda tij janë gjetur dhe sekuestruar në cilësinë e provës materiale tampon steril, me mbetje biologjike, disa shishe plastike uji, kapele me ngjyrë, tri shami me ngjyrë të kuqe, shkop metalik me hapje, si ato që përdorin forcat e sigurisë, shishe plastike tjetër bosh, një portofol lëkure, një fletë hyrje lëshuar nga Ministria e Mbrojtjes në emër të shtetasit D. Vrapi, një dëshmi aftësie dhe sende të tjera të sekuestruara në cilësinë e provës.
Në lidhje me të gjitha sendet e përmendura më lart, janë përpiluar vendimet e ekspertimit biologjik për profilimin e ADN-së, vendimet e ekspertimit daktiloskopik vlerësues, vendim ekspertimi teknik për armën e ftohtë, si edhe vendimi i ekspertimit kimik të lëndës së dyshuar si kokainë.
Ndërsa Gjykata e Tiranës ka dhënë masat për të përfshirët në këtë ngjarje:
Ervin Zallumi- arrest në burg
Shkëlzen Buci- arrest në burg
Trim Hidri- detyrim paraqitje
Ermir Tola- arrest në shtëpi me mbikëqyrje elektronike.
Për “kokën” e aktorit u paguan 80 mijë euro, kush është porositësi dhe personat e akuzuar
Zbardhet plagosja e aktorit në Tiranë, arrestohet i dyshuari
Personi që u plagos me armë mbrëmjen e djeshme në Tiranë, është aktor
Atentati në Tiranë, si u përpoq i plagosuri t’ia hidhte policëve në spital