Ministri i Jashtëm Ditmir Bushati, jep një lajm të mirë për bashkatdhetarët tanë në Gjermani.
Ai bën me dije se një nga premtimet e samitit të parë të Diasporës tashmë u bë realitet.
“Ambasadori ynë në Gjermani Artur Kuko ka firmosur marrëveshjen për mbrojtjen shoqërore e cila shërben përtej fushës së pensioneve duke përfshirë edhe njohjen e ndërsjellë të sigurimeve shëndetësore, lejeve të lindjes, sigurimit për aksidente në punë dhe sëmundje profesionale, përfitimeve të papunësisë, familjare e shumë të tjera të parashikuara në të”, shkruan Bushati në Facebook.
Ai publikon fotografi nga nënshkrimi i marrëveshjes duke konfirmuar lajmin e mirë.
Bushati thotë se qeveria shqiptare është e angazhuar që një marrëveshjeje të tillë të nënshkruaje sidomos me ato vende ku ka një prani të madhe të shqiptarëve. /a.y/noa.al