Kthjellimet mbeten dominante në Veri, Qendër dhe Jugperëndim të vendit, ndërsa me kthjellime dhe vranësira kalimtare paraqiten zonat Juglindore.

Pasditja dhe mbrëmja do të vijojnë nën ndikimin e motit të kthjellët, kushte që mbeten dominante edhe gjatë orëve të natës, në të gjithë vendin.

Sipas MeteoAlb, temperaturat e ajrit sjellin sërish rënie të lehtë gjatë mëngjesit ndërsa një rritje me 1 – 2°C do të pësojnë vlerat termike të mesditës.

Era do të vijojë mesatare me shpejtësi 32 km/h nga drejtimi Verior dhe Verilindor duke gjeneruar në det dallgëzim 2 ballë.

Europa

Brigjet Veriperëndimore dhe gadishulli Skandinav përfshihen nga vranësira dhe reshje të dendura shiu. Po ashtu, rajoni i Balltikut dhe pjesërisht Europa Verilindore mbeten me vranësira dhe reshje të përkohshme shiu e dëbore.

Ndërsa vijon dominimin motit kryesisht i kthjellët por i ftohtë në pjesën më të madhe të kontinentit Europian. /b.l/noa.al/