Transmetuar më 23-11-2017, 11:11
Publicitet

Deri tani kishim dëgjuar se mbetjet e kafes mund të përdoreshin për maska të fytyrës apo për pleh organik, por risia më e fundit tregon se ajo mund të përdoret edhe si karburant.

Ideja novatore vjen nga Londra ku kanë nisur të përdoren autobusët e parë që qarkullojnë falë djegies së kafes, në vend të karburantit. Nisma mori jetë nga një 27 vjeçar britanik Arthur Kay, themeluesi i një kompanie për rinovimin e energjisë.

I riu britanik arriti të nxjerrë nga mbetjet e pijes më të konsumuar në botë vaj kafeje, i cili nëse përpunohet me një sasi të vogël nafte krijon lëndën djegëse që është në gjendje të ndezë mjetin.

Avantazhet e kësaj shpikje janë të shumta. Përveç se lejon riciklimin e mbetjeve të kafes, të destinuara të hidhen në mbeturina, autobusit me kafe janë edhe ekologjikë, pasi limitojnë ndotjen e mjedisit dhe kursejnë karburant.

Kompania ka prodhuar deri tani 6,000 litra vaj kafe për projektin pilot me autoritetin e transportit në Londër, sasi kjo e mjaftueshme për një autobus që të lëvizë lirshëm përgjatë një viti.

“Është një shembull i mirë i asaj që mund të bëhet kur të fillojmë të riemërojmë mbeturinat si një burim i pashfrytëzuar", tha në një deklaratë themeluesi Arthur Kay.

Nisja mbledh bazat e përdorura të kafesë nga kafenetë, restorantet dhe fabrikat, dhe i transporton ato në objektin e riciklimit. Atje, bazat janë tharë para se të nxirret vaji i kafesë. Nafta e kafesë pastaj përzihet me karburantet e tjera për të krijuar bio-karburantin B20, i cili mund të përdoret në autobusë dizel pa modifikim. /b.l/noa.al/