Transmetuar më 24-11-2017, 09:09
Publicitet

Një person është ekzekutuar me armë zjarri dhe një tjetër ka mbetur i plagosur gjatë natës duke u zbardhur e premtja.

Rreth orës 02:30 të natës që lamë pas, në rrugën “Fehmi Agani” në Prishtinë, ka pasur të shtëna me armë zjarri.

Pas marrjes së këtij informacioni në vendin e ngjarjes kanë shkuar shërbimet policore, ku janë konstatuar të plagosur N. S., 33 vjeç, dhe një vajzë 19 vjeçe me inicialet R. C.

Të plagosurit janë dërguar në spital për trajtim mjekësor, por N.S., nuk ka mundur t’i përballojë, plagët e shkaktuara nga arma e zjarrit dhe rreth orës 04:00 ë mëngjesit ka ndërruar jetë.

Aktualisht policia ka arritur që të identifikojë një person si të dyshuar dhe po punon për arrestimin e tij. /a.y/noa.al