Në kuadër të veprimtarisë “Java e Fëmijëve Jetimë” që zhvillohet nën kujdesin e Presidentit të Republikës, Ilir Meta, në bashkëpunim me Institutin Kombëtar të Integrimit të Jetimëve Shqiptarë, artistët e njohur Bes Kallaku dhe Xhensila Myrtezaj vizituan sot ekspozitën e hapur me këtë rast pranë Institucionit të Presidencës.

Në aktivitetin ku morën pjesë nxënës të shkollave 9-vjeçare "Hillary Klinton” dhe "100 Vjetori i Pavarësisë", si edhe nxënës të gjimnazit “Ibrahim Rugova” në Kamëz, artistët e njohur Bes Kallaku dhe Xhensila Myrtezaj shprehën solidaritetin e tyre me fëmijët pa kujdes prindëror.

Më herët këtë ekspozitë e kanë vizituar edhe artistë të tjerë siç është Ardit Gjebrea, Soni Malaj, Venera Lumani dhe Lindi Islami. /b.l/noa.al/