Transmetuar më 22-12-2017, 00:31

Ky është horoskopi për ditën e premte, 22 dhjetor 2017 që Noa.al sjell për ju. Njihuni me parashikimin për punën, financat dhe ndjenjat, si do të ecë dita për të lindurit e çdo shenje.

Dashi

Marrëdhënia në çift nuk do jetë aspak problematike gjatë kësaj dite. Do bini dakord për gjithçka me atë që keni në krah dhe dita do jetë mjaft e qetë. Beqarët do mbyllen në vetvete dhe nuk do përfitojnë aspak nga mundësitë që do iu jepen. Dijeni se koha ikën shpejt dhe jo gjithmonë vijnë raste të mira. Në planin financiar mos i besoni shumë instinktit.

Demi

Mos mendoni se duke e pasur në krah dikë keni çdo të drejtë mbi të dhe mund të silleni si të doni. Në këtë mënyrë do e shkatërronit lidhjen dhe do lëndonit edhe veten. Beqarët nuk do jenë shumë në humor për të filluar histori dashurie dhe do mbeten sërish vetëm. As financat nuk do jenë në gjendjen më të mirë të mundshme.

Binjakët

Klima në jetën tuaj në çift do ngrohet mjaft gjatë kësaj dite. Nuk do ketë pasion të çmendur megjithatë emocionet dhe kënaqësitë do jenë të shumta. Beqarët do e lënë veten të lirë dhe do përfitojnë nga çdo mundësi që do iu jepet për takime. Edhe financat pak nga pak do fillojnë të përmirësohen.

Gaforrja

Për ata që janë në një lidhje dita e sotme do jetë e mrekullueshme. Partneri/ja do ju surprizojë me sjelljen e tij dhe do ju bëjë ta dashuroni edhe njëherë më shumë. Beqarët do kenë mundësi reale për të filluar një lidhje të qëndrueshme. Personat që do i joshin do jenë të shumtë. Në planin financiar priten disa përmirësime të vogla.

Luani

Ditë e ndërlikuar kjo e sotmja për të dashuruarit. E keni idealizuar më shumë sesa duhet partnerin/en dhe do përballeni me goxha zhgënjime. Beqarët do kenë më shumë mundësi për ta gjetur personin e tyre të ëndrrave, vetëm se duhet t’i bëjnë sytë katër. Në planin financiar do merrni disa vendime të cilat do e stabilizojnë shumë shpejt situatën.

Virgjëresha

Jeta në çift do jetë shumë e qëndrueshme sot. Nuk do diskutoni për tema delikate me partnerin/en dhe çdo gjë do shkojë për mrekulli. Beqarët do joshin gjatë gjithë kohës, por sërish nuk do gjejnë një person të duhur. Financat do i menaxhoni me maturi dhe kujdes.

 

Peshorja

 

Do jeni më xhelozë se kurrë ndaj atij që keni në krah sot dhe nuk do ju pëlqejë aspak që ai të shoqërohet me shoqet e tij. Kujdes mos e teproni! Beqarët do takojnë persona shumë ndryshe nga ata, por do kenë disa të veçanta. Gjithsesi mos u nxitoni për asgjë. Në planin financiar tregohuni realistë nëse nuk doni të keni probleme.

Akrepi

Nëse keni kohë që jeni në një lidhje marrëdhënia në çift do jetë e qëndrueshme, ndërsa për ata që sapo kanë ndryshuar status do ketë disa vështirësi. Mos u nxitoni të thoni fjalën e fundit menjëherë. Beqarët do kenë një ditë të këndshme edhe pse jo me takime impresionuese. Në planin financiar fati do ju buzëqeshë.

Shigjetari

Jeta juaj në çift nuk do jetë aspak rutinë gjatë kësaj dite, megjithatë sërish do keni disa debate me partnerin/en. Mundohuni t’i zgjidhni me qetësi dhe tolerancë. Beqarët do kenë vetëm mundësi për aventura kalimtare. Në planin financiar nuk duhet rrezikuar shumë sepse situata mund të dalë jashtë kontrollit në momentin që ju nuk e prisni.

Bricjapi

Ditë tërësisht ndryshe kjo e sotmja nga disa kohë më parë. Dëshirat në çift do jenë të zjarrta dhe emocione të papërshkrueshme. Të dy do jeni pasionantë dhe të gatshëm për të provuar eksperienca të reja. Beqarët duhet të bëjnë kujdes sepse mund të takojnë persona që nuk janë për ta. Financat do jenë goxha shqetësuese.

Ujori

Ditë e bukur dhe e mbushur me surpriza të njëpasnjëshme kjo e sotmja për të dashuruarit. Do përjetoni emocione të njëpasnjëshme dhe shpesh do ju duket vetja sikur jeni në ëndërr. Beqarët nuk do kërkojnë me ngulm një histori dashurie, por gjithçka do ndodhë si me magji për ta. Në planin financiar situata do jetë goxha e mirë.

Peshqit

Saturni do jetë planeti që do influencojë më së shumti jetën tuaj në çift. Do kuptoheni edhe vetëm me një vështrim me partnerin/en dhe gjithçka do shkojë për mrekulli mes jush. Beqarët do jenë të pavendosur për atë që duan të bëjnë me jetën e tyre. Në planin financiar mos kërkoni të pasuroheni shpejt sepse do pendoheni. /b.l/noa.al/