Në Selanik të Greqisë, plaçkitja e udhëtarëve në autobusë po bëhet problem më vete për shkak se shumë njerëz i janë futur profesionit të hajdutit duke i hapur telashe personave të pafajshëm.

Në mediat lokale po publikohen raste të shumta me dëshmi udhëtarësh të vjedhur në urbanët e qytetit.

Policia greke publikoi fotot dhe të dhënat e katër burrave shqiptarë që i ka identifikuar si autorë të plaçkitjes në seri të udhëtarëve nëpër autobusët e Selanikut.

Ata janë:

Arjan Duka, i cili mban dhe emrat Andon, Hektor si dhe mbiemrin Xheko, lindur më 1964 ose 1958 në Shqipëri;

Enver Gjoci që mban edhe emrat Aleks e Petro, i datëlindjes 1965;

Artur Pinderi që mban dhe emrat Shkëlqim e Niko si dhe mbiemrin Fili, i datëlindjes 1960;

Skënder Herri i datëlindjes 1956, gjithashtu i lindur në Shqipëri. /noa.al/