Transmetuar më 29-12-2017, 15:04
Publicitet

Tiranë, NOA.al- Vranësira dhe kthjellime të shkurtra karakterizojnë motin në veri dhe qendër ndërsa kthjellime të shkurtra dhe vranësira të shpeshta të shoqëruara nga reshje shiu e dëbore do të ketë në zonat Jugore, kryesisht ato Juglindore. Gjatë pasdites moti vijon nën dominimin e kthjellimeve në pjesën më të madhe të Shqipërisë ndërsa vranësira kalimtare do të ketë herë pas here në Juglindje deri në mbrëmje kur gjithë vendi kalon në kushtet e kthjellimeve.

Sipas MeteoAlb, temperaturat e ajrit sjellin rënie të theksuar në mëngjes por rënie të lehtë sjell mesdita duke luhatur ekstremumet termike të ditës nga -6 në 9 apo 10°C.

Era do të fryjë mesatare, me shpejtësi deri 35 km/h nga drejtimi Verior dhe Verilindor ndërsa në det dallgëzimi ulet në 2-3 ballë.

Europa

Mesdheu Lindor dhe rajoni i Detit të Zi dominohen nga reshje të dendura shiu e dëbore. Po ashtu, Britania e Madhe, Europa Perëndimore dhe vendet e Balltikut mbeten me rrebeshe të shkurtra shiu dhe stuhi të shpeshta ere ndërsa reshje të pakta dëbore do të ketë në Verilindje të Europës. Por pjesa më e madhe e Europës Qendrore si dhe skajet Europiane të gadishujve Iberike e Skandinavi paraqiten me kthjellime e vranësira kalimtare. /a.y/noa.al