Janë të shumtë të rinjtë shqiptarë që u drejtohen Dubait viteve të fundit për një punë me pagë më të mirë.
E mes këtyre të rinjve është edhe Bertina Mehmetaj, ish-banore e Big Brotherit.
Ajo ishte këtë të premte në Top Show Magazine, ku u diskutua për këtë çështje, por edhe për lajmet e përhapura, kryesisht nëpër rrjetet sociale që flet për vajza shqiptare që punojnë eskorta në vendet e pasura arabe.
Bertina nuk e mohoi si fenomen, por thotë se ajo vetë punon si inxhiniere atje.
“A ka vajza që punojnë eskorta? A ka femra të tilla edhe në Shqipëri? Ka! Mua 50 për qind e njerëzve që më pyesin më kanë thënë çfarë pune bën? Por, unë u them që Bertina është një inxhiniere dhe nuk do të ndërrojë! Faleminderit shumë”, deklaroi ajo.
Po ashtu bëri me dije se ka konsoliduar karrierën si inxhiniere në një kompani makinash.
E pyetur nëse ka një sheik që i ka rrëmbyer zemrën, Bertina bëri ironi duke thënë se ka harruar unazën. Më tej shtoi, “Jam zog i natyrës, jo zog i kafazit”.