Transmetuar më 03-01-2018, 16:56
Publicitet

Ambasadori i Shteteve të Bashkuara të Anmerikës në Tiranë, Donald Lu, ka bërë një mesazh pasi ka zgjedhur t’iu flasë të rinjve shqiptarë si bashkëshort dhe si baba, duke deklaruar se është një mbështetës i madh i fuqizimit të grave.

Mesazhi i kryediplomatit amerikan është shpërndarë në faqen zyrtare të rrjetit social Facebook të Ambasadës së SHBA-ve.

Ambasadori uron të gjithë shqiptarët të jetojnë në një shoqëri në të cilën burrat dhe gratë të jenë të barabartë në udhëheqje dhe përgjegjësi.

“Si një bashkëshort dhe një baba, unë jam një mbështetës i madh i fuqizimit të grave. Shpresoj që të gjithë ju të jetoni në një shoqëri në të cilën burrat dhe gratë janë të barabartë në udhëheqje dhe përgjegjësi.”

Në fillim të këtij muaji, Ambasadori Lu vizitoi universitetin Aleksandër Xhuvani në Elbasan për t’u takuar me studentë dhe për të mësuar më shumë mbi projektet e tyre për të nxitur fuqizimin e grave dhe luftuar ekstremizmin”, shprehet Lu në mesazhin e tij. /b.l/noa.al/