Kthjellime dhe vranësira kalimtare dominojnë motin deri në pas mesditës kur pritet shtim i vranësirave në pjesën më të madhe të vendit por kryesisht në ekstremet Veri – Jug ku priten edhe reshje të izoluara.

Pasditja fuqizon vranësirat në gjithë territorin, më të dendura në Jug dhe Qendër të cilat gjatë natës sjellin sërish reshje me intensitet deri mesatar.

Sipas MeteoAlb, temperaturat e ajrit do të pësojnë një rënie me 2°C gjatë mëngjesit por nuk priten ndryshime të ndjeshme, në vlerat termike të mesditës.

Era do të fryjë kryesisht e lehtë, me shpejtësi 25 km/h nga drejtimi Veriperëndimor duke gjeneruar në det dallgëzim deri 2 ballë.

Europa

Brigjet Perëndimore të Europës mbeten me vranësira të fuqishme të shoqëruara me reshje të dednura shiu e dëbore. Po ashtu, Mesdheu Qendror dhe kryesisht pellgu i  Detit Jon paraqiten me vranësira dhe reshje të herë pas hershme shiu.

Por Europa Qendrore dhe pjesa më e madhe e Veriut dhe Lindjes së kontinentit dominohen nga kthjellime të shpeshta dhe vranësira kalimtare./b.l/noa.al/