Një ngjarje e rëndë është regjistruar Ditën e Shën Valentinit në një fshat të vogël pranë Jaipur, në Rajasthan, India veriore, ku një grua e martuar është sulmuar me acid, pasi ajo nuk pranoi propozimin nga një burrë që e pëlqente.

Viktima 30-vjeçare, po punonte si pastruese në një qendër tregtare kur i akuzuari, Mehboob Khan, thuhet se i është afruar asaj me një shishe acid në dorë.

Khan, shoferi i një triçikili që përdoret për të transportuar njerëzit, kishte ndjekur viktimën për më shumë se dy vjet dhe jetonte pranë saj, por kurrë nuk ishte bërë agresiv. Por ai dyshohet se kërcënoi ta vriste, nëse nuk ndahej nga burri i saj i martuar prej 10 vjetësh dhe të martohet me të.

Nëna e tre fëmijëve refuzoi propozimin e radhës të tij dhe u largua, por Khahn i divorcuar dy herë e ndoqi dhe i hodhi një shishe me acid në fytyrë, kraharor dhe duar.

Sulmi gjithashtu plagosi vetë Khanin dhe një tjetër vajzë aty pranë, që ishte duke blerë. Ai u përpoq të largohej pas sulmit, por u kap nga anëtarët e dyqaneve publike në qendër, të cilët dëgjuan viktimat që bërtitnin për ndihmë.

Kamerat e sigurisë kanë filmuar vetëm pjesën kur autori kapet dhe dhunohet brutalisht nga burrat e tjerë. Policia u informua shpejt dhe të tre u nxituan në spital.

Mjekët konfirmuan se viktima pësoi 15 për qind të djegies dhe është në një gjendje të qëndrueshme. Khan po trajtohet në të njëjtin spital, por është mjaft mirë.

Dr. Sunil Srivasatava, ndihmës profesor në spitalin e Jaipur, tha: "Ajo do të ketë atë shenjë për fat të keq gjithmonë. Ajo do të ketë nevojë të paktën për dy operacione në të ardhmen. Por për fat të mirë, ajo nuk ka pasur ndonjë djegie të organesh”.

30 vjeçarja do të mbahet nën vëzhgim për të paktën 45 ditë, dhe atëherë mund të planifikohen edhe operacionet e saj./b.l/noa.al/