Konferenca e kryetarëve ka vendosur që në datën 15 mars do të zhvillohet mocioni me debat i kërkuar nga opozita për heqjen e ndihmës ekonomike për disa familje.
Ditën e martë Partia Demokratike dorëzoi kërkesën ku theksohet se përjashtimi nga ndihma ekonomike është abuziv, i bërë në proçedura aspak transparente, në tejkalim të përcaktimeve ligjore dhe, me shumë gjasë, në kushtet e ndjekjes penale.
Pas kërkesës së demokratëve, ditën e sotme është mbledhur ekonferenca e kryetarëve e cila vendosi si datë të përshtatshme për zhvillimin e mocionit 15 marsin.
Mësohet se kjo datë është vendosur pasi sipas kryetarit të Kuvendit Gramoz Ruçi, Rama nuk do të jetë i pranishëm në dy seancat e radhës për shkak të axhendës së ngjeshur politike.
Opozita akuzon Ministren e Shëndetësisë dhe Mbrojtjes Sociale, si dhe kryeministrin Rama për heqjen nga ndihma ekonomike të 20 mijë familjeve të varfëra./b.l/noa.al/