Transmetuar më 08-03-2018, 16:19

Plot 180 të vdekur dhe rreth 1000 të infektuar është bilanci i një epidemie që ka shpërthyer në Afrikën e Jugut si pasojë e salçiçeve.

Mishi i përdorur në prodhimin e tyre, nga një prej kompanive ushqimore më të fuqishme të vendit, ka shkaktuar përhapjen e infeksionit të bakterit Listeria.

Qeveria ka dhënë alarmin të tërhiqen nga tregu të gjitha produktet shtazore të ambalazhuara.

Ministria e Shëndetësisë bën të ditur se epidemia ka nisur në janar dhe deri tani ka shkaktuar vdekjen e 180 personave, ndërkohë që rreth 1000 të tjerë janë infektuar dhe po kurohen në spitale.

Në Afrikën e Jugut ka mbërritur tashmë edhe një ekip i Organizatës Botërore të Shëndetësisë që ka analizuar produktet e gjigantit ushqimor dhe ka bllokuar prodhimin dhe eksportet në të gjitha vendet e tjera të kontinentit.

Pas hetimeve në fabrika janë gjetur gjurmët e baktereve në sasi të konsiderueshme. Ndërkohë që nga epidemia e rëndë kërcënohen të gjithë fqinjët e Afrikës së Jugut, si Mozambiku, Zambia dhe Swasiland.