Pas 4 ditësh policia greke identifikon trupin e 36 vjeçarit shqiptar të vrarë me armë zjarri. Kjo ngjarje e rëndë ndodhi në qytetin Artemida në rajonin e Atikës ditën e dielë.
Ai u qëllua me pesë plumba në një rrugicë pranë varrezave.
Policia greke nuk ka bërë të ditur emrin e tij, por mësohet se kanë qenë familjarët e tij ata që shkuan dhe e konfirmuan në morgun e qytetit.
Ditën e vrasjes atij iu gjet në xhep një kartë identiteti e falsifikuar.
Karta kishte emër grek, por fotografia e shqiptarit nuk korrenspondonte.
Sipas policisë ky emër i përkiste një shtetasi grek nga zona e Holargos.
Pas verifikimit të shenjave të gishtrinjve policia zbuloi se karta ishte e falsifikuar.
36 vjeçari ndërroi jetë në spital.
Paraprakisht dyshohet se krimi ka ndodhur për prishje të pazareve të drogës./m.sh/noa.al/