Vjen për vizitë zyrtare në Tiranë, Florian Hahn, zëdhënës për Europën në grupin parlamentar të CSU në Bundestag.
Hahn pati takime me kryeministrin Edi Rama, kryetarin e opozitës Lulzim Basha, ish- ministren Majlinda Bregu, e zgjedhur në krye të Këshillit për Bashkëpunimin Rajonal, si dhe me kryetaren e LSI-së, Monika Kryemadhi.
Kjo vizitë erdhi vetëm dy ditë para protestës së opozitës, ndërsa ajo ishte e planifikuar gjatë kohës kur ish- ministri i Brendshëm, Saimir Tahiri dorëzoi mandatin e deputetit.
"Kënaqësi të takoja sot Florian Hahn. Negociatat jo për politikën, por për shqiptarët", shkruan Monika Kryemadhi.
Kujtojmë që të shtunën vjen në Tiranë edhe zëvendës/ndihmës Sekretari amerikan i Shtetit, Pete Marocco.
Ai merr pjesë në konferencën ndërkombëtare me përfaqësues të lartë nga vende të Europës Juglindore dhe të rajonit për problematikën e sigurisë rajonale dhe ekstremizmit të dhunshëm. Konferenca organizohet nga një grup deputetësh të Parlamentit shqiptar të majtë e të djathtë.
Ndërsa është planifikuar edhe një vizitë e delegacionit të Asamblesë parlamentare të OSBE-së./m.sh/noa.al/