Grindje, grindje dhe grindje pa fund.
Derisa i erdhi fundi, por tragjikisht.
Një jetë e shuar në mes, parakohshëm, dhe një jetë tjetër që i dorëzohet qelive të burgut.
Protagonistë janë një grua 57-vjeçare dhe një burrë 15 vjet më i vogël.
Gjithçka ndodhi në rrugën “Corigliano Calabro” në kryeqytetin e Italisë, Romë, në zonën Appia, raporton noa.al duke cituar policinë lokale që doli me deklaratë për shtyp.Sherri mes të dyve erdhi për çështje parash.
Burri 42-vjeçar, pas përballjes së vazhdueshme dhe të ashpërsuar gjithnjë e më shumë të sherrit me gruan, ka kaluar në vendim ekstrem të momentit, duke i marrë jetën.
Mjaftoi një çekiç me të cilin e qëlloi në kokë derisa i mori jetën dhe familja u shpërbë.
Burri vrasës me origjinë nga Latina e Italisë dhe prej vitesh me banim në Romë, sot paradite, pak orë pas ngjarjes, u dorëzua në policinë lokale. /noa.al/