Deputeti i Partisë Demokratike, Ervin Salianji ka publikuar në Facebook, përmes disa fotove, përgjimet e prokurorisë, ku pretendon se deputeti Taulant Balla ka bërë një bisedë me Drejtorin e Policisë së Fierit, si edhe me persona të tjerë.
“XhafajGate!
Gjithë shteti në shërbim të fabrikimit të provave për të shpëtuar pushtetin e tyre politik dhe privilegjet që iu vijnë nga pushteti”, shkruan Salianji.
Ai shkon më tej duke nënvizuar:
Si u fabrikua “aktori”?!
Përgjimet e prokurorisë faktojnë se Taulanti nga Librazhdi, shoku i Alizotit i përgjuar me nr cel +091 flet me drejtorin e policise Fier dhe me persona të tjerë!
Kushdo mund ti shohë vete dokumentat zyrtare të prokurorisë. Skandali më i madh I faktuar tashmë dhe me dokumenta zyrtare. Deri tani kemi parë shumë pak.
Për më tepër shikoni fotot në galeri për të parë bisedën e bërë publike nga Salianji. /k.k/noa.al/