Policia e Vlorës ka dhënë informacion zyrtar lidhur me atentatin e sotëm në qytetin bregdetar.
Sipas bluve, të shtënat me armë u regjistruan në lagjen "Pavarësia", ku është qëlluar me armë zjarri në drejtim të një automjeti.
Për pasojë ka mbetur i plagosur një 41-vjeçar që po merr ndihmë mjekësore në spital.
Ndërkohë, në afërsi të stacionit të trenit, Policia ka gjetur duke u djegur nje automjet, i cili dyshohet të jetë përdorur nga autorët për fshehjen dhe largimin e tyre.
Shërbimet e policisë po krehin zonën për të bërë të mundur kapjen e autorëve.
Grupi hetimor ndodhet në vendngjarje ku vijon puna për zbardhjen e rrethanave të ngjarjes, si dhe identifikimin e autorëve, sqaron Policia e Vlorës. /k.k/noa.al/
Atentati në qendër të Vlorës, një person i plagosur rëndë
Të shtëna me armë në mes të qytetit, autorët ia mbathin pa lënë gjurmë