Parlamenti i Britanisë së Madhe votoi sot kundër marrëveshjes së BREXIT-it, që qeveria e Kryeministres Theresa May negocioi me Bashkimin Europian.
Ligjvënësit votuan me një shumicë dërrmues votash, 432 kundër dhe 202 pro marrëveshjes.
Ligjvënësit kanë propozuar mbajtjen e një referendumi të dytë, si ai i vitit 2016, që i hapi rrugën Britanisë së Madhe drejt largimit nga Bashkimi Europian.
Britania e Madhe kishte në plan të largohej nga BE-ja pas 73 ditësh dhe kryeministrja May ka afat deri të hënën të sjellë një Plan B në Parlament.
Por udhëheqësi i Partisë Laburiste të opozitës Jeremy Corbyn, bëri thirrje menjëherë që qeveria aktuale të përballet me një mocion mosbesimi.
Zonja May e anuloi një votim të mëparshëm që ishte në plan për në dhjetor 2018, kur u pa qartë se ajo nuk i kishte votat e mjaftueshme për miratimin e marrëveshjes.
Si ligjvënësit që e mbështesin, edhe ata kundër BREXI-it, nuk janë dakord me kushtet e marrëveshjes.
Të tjerë ligjvënës duan që kontrollin e procesit të BREXIT-it mos e ketë kryeministrja May dhe kabineti i saj, por ta marrë në dorë Parlamenti britanik.