Transmetuar më 16-01-2019, 11:11
Ish-ministri i Brendshëm, Saimir Tahiri do të hetohet edhe për tre muaj të tjerë.
Është ky vendimi i marrë nga Prokuroria e Krimeve të Rënda, e cila ka vendosur të shtyjë për të katërtën herë, afatin e hetimeve për ish-ministrin.
Ky vendim vjen pasi ditën e nesërme, e enjte, 17 janar, ishte edhe afati kur përfundonin hetimet për të.
Shtyrja e afatit është bërë me synim bërjen e disa verifikimeve shtesë lidhur me çështjen për të cilën po hetohet.
Saimir Tahiri është vënë nën hetim, si i dyshuar për lidhje me grupin “Habilaj” që merrej me trafik droge drejt Italisë.
Ai akuzohet se i krijonte lehtësi grupit në aktivitetin kriminal. /a.y/noa.al