Një shqiptar u vu në prangat e policisë italiane gjatë kësaj të marte, i kapur me 830 kilogramë drogë.
Së fundmi është zbuluar identiteti dhe fotografia e shqiptarit, i cili është 35-vjeçari Osmen Lika.
I etiketuat si “Osli” siç njihej ndryshe, për shkak të bashkimit të inicialeve, shqiptari dyshohet se vepronte fuqishëm në fushën e narkotikëve.
Në garazhin e tij kishte 830 kilogramë drogë, nga të cilat 564 kilogramë marijuanë dhe 266 kilogramë hashash, për një vlerë tregu prej 2 milionë euro.
Për këtë arsye, Lika u vu në prangat e policisë italiane, në Livorno.
Operacioni i policisë italiane u zhvillua gjatë kësaj të marte, në sajë të një sinjalizimi anonim në polici lidhur me shqiptarin në “YouPol”.
Shqiptari u kap duke lëvizur me pistoletë në makinë dhe më tej nga kontrolli në garazh u zbulua lënda narkotike, të cilën mund ta shihni në fotografi.
Për shkak të pistoletës, e cila nga verifikimet rezultoi lodër u bë dhe denoncimi ndaj shqiptarit, ndërsa më tej u bë sekuestrimi rekord i lëndës narkotike.
Ndaj tij hetimet janë në vijim, për të zbuluar bashkëpunëtorë të tjerë të shqiptarit. /a.y/noa.al