Ushqyerja me gji është një fazë e rëndësishme si për foshnjën edhe për nënën, ndaj një rëndësi të veçantë ka ushqimi.
Nënat lehone këshillohet që të hanë peshk rregullisht, për shkak se ndihmon në zhvillimin e sistemit nervor të fëmijës.
Shumë i rëndësishëm është edhe konsumi i bulmetit, si qumështi, kosi dhe djathi.
Nuk duhet të mungojnë as karbohidratet komplekse të pranishme te buka, orizi dhe makaronat, të cilat janë burim energjie për trupin tonë.
Vaji i ullirit dhe ai i lulediellit janë gjithashtu mjaft të rëndësishme, për shkak se garantojnë furnizimin e nevojshëm me yndyrat e domosdoshme.
Frutat dhe perimet, por ato të stinës ama, janë mjaft të favorshme për të marrë sasinë e duhur të vitaminave, kripërave minerale dhe fibrave.
Finoku është shumë i rëndësishëm, për nënat që ushqejnë me gji, pasi luan rol thelbësor në rregullimin e sistemit hormonal të femrës. Sigurisht nuk duhet të mungojnë supat dhe lëngjet e frutave, shkruan noa.al.
Sa i takohet mishit, rekomandohet kryesisht ai i bardhë, por të jetë i pjekur mirë. Edhe vezët janë mjaft të dobishme për periudhën e ushqyerjes me gji, por nuk këshillohet të konsumohen më shumë se dy herë në javë. /a.y/noa.al