Është hedhur në Nion të Zvicrës shorti për turin e parë kualifikues të Ligës së Kampionëve.
Partizani dhe Shkëndija kanë mësuar kundërshtarët që do të kenë përballë në këtë raund të parë.
Partizani do të ndeshet me Karabakun në raundin e parë të Champions-it. Kjo skuadër ka një eksperiencë të gjatë në Kupat e Europës, ndërsa pjesë e saj deri në sezonin e fundit ka qenë edhe ish-kapiteni i kombëtares së Shqipërisë, Ansi Agolli.
Partizani do të luajë ndeshjen e parë në shtëpi në datën 9 korrik, ndërsa një javë më pas do të udhëtojë drejt Azerbajxhanit për sfidën e kthimit.
Goglat janë treguar bujare për kuqezinjtë e Tetovës, të cilët kanë “peshkuar” kampionët e Estonisë. Një përballje e lehtë në letër për skuadrën shqiptare në Maqedoni.
Përballjet:
Nome Kalju- Shkëndija
Partizani- Karabag
Ndarja e vazove për skuadrat shqiptare në Champions
GRUPI 2
Kundërshtarët e Partizanit
Sëltik (SKO)
Qarabak (AZE)
Sheriff Tiraspol (MDA)
F91 Dudelange (LUX)
Slovan Bratislava (SVK)
GRUPI 1
Kundërshtarët e Shkëndijës
Suduva (LTU)
CFR Cluj (ROU)
Ferencváros (HUN)
Nome Kalju (EST)
Ararat-Armenia (ARM)