Transmetuar më 21-08-2019, 20:55

Një tjetër aktore ka dalë pro ndërtimit të një godine të re të Teatrit Kombëtar, ashtu si edhe e ëma, Elia Zaharia, e cila është e martuar me Princin Leka.

Lajmin e bëri të ditur, si gjithnjë në rastet kur artistë shprehen pro prishjes së godinës së vjetër, kryeministri Edi Rama.

“Elia Zaharia, vajza e aktores së madhe Yllka Mujo, është edhe ajo një aktore e talentuar e teatrit, që njësoj si shumica dërrmuese e komunitetit teatror, ka opinionin e arsyeshëm lidhur me të ardhmen e godinës së Teatrit Kombëtar”, thotë Rama, i cili më tej citon aktoren.

ELIA ZAHARIA:

“Nuk mendoj se është mëkat të kërkosh parametra dhe kapacitete europiane për një teatër dinjitoz kombëtar. Nëse do qe e mundur të ndërtohet ky teatër i ri modern, dhe krahas tij të restaurohet apo rikonstruktohet ai ekzistues, kjo do të ishte një zgjidhje ideale dhe ne të gjithë do të ishim shumë të lumtur!”

“Por sa reale është në kushtet e sotme kjo dëshirë e jona? A i përmbush godina e sotme këto parametra? Këtë përgjigje ata që e njohin sadopak teatrin në brendi e dinë. Ata që e kanë parë vetëm nga fasada apo në televizor, i ftoj ta vizitojnë. Për një gjë i siguroj të gjithë ata që i kanë ndarë me dashje artistët në “me ne ose kundra nesh” – nuk ka asnjë artist që nuk e do apo nuk i dhëmb Teatri Kombëtar, përkundrazi! Të gjithë jemi teatri!”/a.m/noa.al/