Publikohen detaje të reja në lidhje me ngjarjen e ndodhur ditën e sotme në në rrugën “Myslym Shyri”, në Tiranë, ku u plagos rëndë me armë zjarri 26-vjeçar, i identifikuar si Indrit Çelaj.
Sipas policisë, ngjarja ndodhi pas një konflikti të çastit, ndërsa i riu po punonte për kondicionimin e vilës.
Rreth orës 11.30, në rrugën “Muhamet Gjollesha”, në një vilë trekatëshe, shtetasi Indrit Çelaj, ishte duke kryer punime për kondicionimin e vilës në pronësi të shtetasit B.K.
Nga hetimet paraprake dyshohet se shtetasi Indrit Çelaj pas një konflikti të çastit me shtetasin L.V., ky i fundit dyshohet se e ka plagosur në kokë me armë zjarri pistoletë dhe është larguar menjëherë nga vila.
Grupi Hetimor nën drejtimin e Prokurorisë së Rrethit Gjyqësor Tiranë po vijon punën për zbardhjen e plotë të rrethaneve të ngjarjes, si dhe dokumentimin me prova ligjore të autorësisë së kësaj ngjarjeje.
Ndërkohë shërbimet e Policisë po vijojnë kontrollet për të bërë të mundur kapjen e autorit të dyshuar L.V./a.k/noa.al/