Ka shumë persona të cilët ndezin një apo dy cigare në ditë, me pretendimin se nuk po i shkaktojnë shumë dëm vetes.

Por jeni të gabuar. Një studim i ri ka treguar se edhe ata që ndezin dy cigare në ditë, dëmtojnë mushkëritë njësoj si të tjerët që pijnë një paketë.

Daily Mail shkruan se doktorët e një klinike në SHBA, kanë analizuar funksionimin e mushkërive të 25 mijë vullnetarëve, një përzierje e duhanpirësve dhe të atyre që e kanë pirë më herët si dhe të të rriturve që asnjëherë nuk kanë konsumuar cigare.

Ekspertët kanë llogaritur se duhanpirësit e lehtë humbin të njëjtin kapacitet të mushkërive gjatë një viti, njësoj si duhanpirësit e rregullt që e humbasin për 9 muaj. /k.k/noa.al/