Transmetuar më 22-01-2020, 12:20

Komisioni i Veprimtarisë Prodhuese mori sot në shqyrtim dekretin e Presidentit Ilir Meta për paketën antishpifje.

Institucioni i Presidentit përfaqësohej në këtë mbledhje nga këshilltari ligjor, Bledar Dervishi, i cili theksoi se dispozitat e paketës ligjore bien në kundërtim me dispozitat kushtetuese që mbrojnë të drejtat e lirisë së medias dhe të shprehjes dhe bien në kundërshtim me përcaktimet evendimeve të gjykatës së të drejtave të njeriut.

Dervishi theksoi se AKEP shërben si masa e fundit pas vendimeve të AMA-s duke u shndërruar në goditës së fjales së lirë.

"Forca ushtruese e shtetit do jetë e dyfishtë, një herë me gjobat nga AMA e më pas përmes AKEP. Të gjithë duhet të dëgjojnë deklaratat e Komisionit Europian që nëse nuk reflektohet do të ketë ndikim në procesin e integrimit europian", tha Dervishi, ndërsa shtoi se për këtë çwshtje duhet pritur edhe opinioni i Komisionit të Venecias.

Për relatorin Arben Pëllumbi, deputet i PS dekreti i Presidentit duhet të rrëzohet pasi tha ai argumentat e Presidentit nuk janë të qenësishme. “Argumentat e Presidentit nuk janë të qenësishme e për këtë nuk ka pse ta rishqyrtojmë këtë ligj. Gjykoj që të rrëzohet dekreti i Presidentit” tha ai./b.l/noa.al/