Këngëtarja e njohur Adelina Tahiri ka treguar se si pasojë e infektimit nga koronavirusi, kanë humbur një të afërm, një mik të familjes.

Ajo është shprehur se e kanë përjetuar shumë keq, ndaj këngëtarja bën thirrje që të mendojmë për të tjerët përreth nesh dhe të qëndrojmë në shtëpi.

“Ne në izolim jemi prej tre javësh të plota mund të them, jemi 1 javë më parë se të tjerët sepse e morëm më seriozisht. Të afërmit tanë thoshin hë se nuk është gjë, derisa filluan të jenë viktima në këtë shtet. Ne humbëm një njeri të afërm tonin që e përjetuam shumë keq para dy ditëve. Po në Greqi, ishte shok shumë i mirë i bashkëshortit. Ne ishim para dy muajve me të dhe sinqerisht nuk e prita dhe nuk di si të them. Të them sinqerisht fillova dhe më shumë të frikësohem sepse kur e përjeton në ndonjë të afërm, e përjeton dhe më keq dhe atëherë e kupton që me të vërtetë ka diçka që ne rrezikohemi të gjithë. Sepse asnjëri nga ne nuk e di se çfarë imuniteti kemi dhe çfarë organizimi kemi dhe si e pret atë virusi”, tha Rudina në një video-komunikim për emisionin ‘Rudina’.

Ajo kërkoi që njerëzit të mos jenë egoistë por të mendojnë edhe për të tjerët, për prindërit dhe njerëzit që na rrethojnë dhe jo vetëm për vete.