Këngëtarët Genc Prelvukaj dhe Eni Koçi ndryshe nga herët e tjera, ditën e përvjetorit të dashurisë e kanë festuar në karantinë.

Mirëpo, planet e çiftit nuk kanë shkuar siç duhet. Dyshja kishin planifikuar që këtë ditë speciale ta kalonin në Maltë, por për shkak të masave të ndërmarra si rrjedhojë e përhapjes së koronavirusit ata janë detyrurar të qëndrojnë në izolim.

“E planifikuam në Maltë, përfunduam në karantinë. Jeta ndonjëherë hedh mbi ne dallgë e stuhi, por veçse për të na forcuar më shumë. Urime ditën e tretë të prillit, ditën që na bëri bashkë”- janë fjalët e Gencit dedikuar partneres së tij.

Gjithashu edhe këngëtarja ka postuar në ‘InstaStory’ foto të çiftit, ndërsa krahas postimit shkruan: ‘Gëzuar përvjetorin’.