COVID-19/Një grua tregon se si iu desh të zhvendoste 40 trupa njerëzish pas tejmbushjes së morgut
Një punonjëse e sistemit shëndetësor në Britaninë e Madhe flet për tmerrin e përjetuar teksa zhvendoste trupat e 40 viktimave të koronavirusit në frigoriferë të vendosur në parkingun e spitalit për shkak se morgu ishte plot.
Selli Gudrajt (Sally Goodright) i tha të përditshmes britanike Dailymail se personeli mjekësor në spitalin universitar të Uest Midëlseksit në perëndim të Londrës, “është kaq i traumatizuar nga numri i lartë i vdekjeve që po sheh, saqë kjo situatë po bëhet e papërballueshme për ta”.
Gudrajt bashkë me pesë punonjës të tjerë të spitalit vendosën që t’i zhvendosnin trupat dhe tha që trishtohej shumë kur shihte emrat e pacientëve që u kishte shërbyer në spital. Ajo u bëri edhe një thirrje të fortë njerëzve që të qëndrojnë në shtëpi në mënyrë që skena të tilla të mos jenë të shpeshta nëpër spitalet e vendit. /e.i/noa.al/