Transmetuar më 07-05-2020, 14:30
Një skenë shqetësuese e denjë për filmat horror, vjen nga Ekuadori, ku trupat e vdekur të viktimave të koronavirusit, shihen të shtrirë nëpër rrugë.
Deri më tani në vend, janë shënuar 1618 viktima dhe 29.420 të infektuar.
Por numri në rritje i viktimave, ka bërë që situata të bëhet e vështirë për tu përballuar.
Ekspertët e mjekësisë ligjore u panë teksa merrnin kufomën e një burri 65-vjeçar, i cili dyshohet se ka vdekur nga koronavirusi, raporton Daily Mail.
Ekuadori është vendi i tretë më shumë i prekur në Amerikën e Jugut pas Brazilit dhe Meksikës, çka ka bërë që të kërkohet zgjatja e masave kufizuese.