Kryeministri Edi Rama ka uruar besimtarët myslimanë me rastin e festës së Fitër Bajramit.

Urimin e ka përcjellë me një foto nga xhamia e Et’hem Bej në Tiranë.

“Paqja dhe mëshira e Allahut qoftë me ju”, shkruhet në foto.

Edhe Presdienti Meta ka uruar besimtarët myslimanë për festën e Fitër Bajramit.

Postimi i plotë

Gëzuar Fitër Bajramin!

Sot besimtarët myslimanë kremtojnë përkushtimin dhe sakrificën e Muajit të Madhërueshëm të Ramazanit, muajit të vetëpastrimit shpirtëror, të amnistisë hyjnore dhe solidaritetit njerëzor.

Agjërimi si rit abrahamik, për besimtarët risjell çdo vit nevojën e largimit nga ligësitë që janë pasojë e mospajtimit të arsyes me dëshirat.

Fitër Bajrami përcjell mesazhin e natyrshmërisë njerëzore, të paqes me veten, me njerëzit dhe universin në tërësi, nëpërmjet vetëprivimit ndaj egos dhe mposhtjes së kapriçove abuzive.

Suksesi i njeriut qëndron tek forca për të kapërcyer vështirësitë, me dashuri dhe respekt ndaj njëri-tjetrit, siç porosit Profeti Muhamed: "Nuk do të jeni besimtarë deri sa ta doni njëri-tjetrin".

Bashkoj lutjet e mia me ju, për jetimët, pensionistët, të sëmurët dhe të pamundurit, të cilët në këtë kohë pandemie e kanë patur më të vështirë.

Zoti ua pranoftë agjerimin gjatë Muajit të Bekuar të Ramazanit!

Gëzuar festën e Fitër Bajramit, me shëndet e mbarësi!

Me lutjet tuaja dhe të gjithë shqiptarëve, Zoti e bekoftë Shqipërinë dhe shqiptarët kudo ku ndodhen.

Ndryshe nga vitet e tjera, falja e Namazit është kryer vetëm në xhami dhe jo në sheshe, për shkak të pandemisë.

Dreka është karakteristike për besimtarët. /k.k/noa.al/