Këtë të diel, një person i dha fund jetës në burgun e Fierit, duke u varur me çarçaf.
Është kjo pista zyrtare e dhënë nga policia për 51-vjeçarin Bilbil Zekaj.
Familja e tij kërkon të zbardhet e vërteta e vdekjes së tij dhe të bëhet drejtësi.
Bashkëshortja e viktimës ka folur për mediat ditën e sotme, duke thënë se ka mbetur vetëm me tre fëmijët.
Ajo tregon se në datën 26 Bilbili kishte gjyqin dhe se flisnin vazhdimisht në telefon, ku ai i kërkonte që të bëhej e fortë.
Duke treguar bisedat e fundit me të shoqin, gruaja thotë se i kishte kërkuar fishat e insulinës si dhe i linte porosi fëmijët.
Çfarë dinin lidhur me ngjarjen?
Çfarë të them unë, unë s’pata asnjë pikë dyshimi, foli në telefon, siç fliste për ditë. Kërkoi vetëm fishat e insulinave dhe i thashë që do ja jap, në orën 16:00 do ta merrja në telefon.
Të dha ndonjë shenjë?
Jo, asnjë lloj veprimi. E prisnim me padurim datën 26 se kishte gjyqin. S’kishte asnjë ditë që të mos fliste, flisnim 2-3 herë në ditë.
Kishte ndonjë brengë?
Deri në atë moment nuk thoshte gjë, vetëm më thoshte që ‘mos u mërzit se do vij unë, do t’i bëjmë punët bashkë, vetëm mbaj afër fëmijët’.
Ju tani jeni e vetme me tre fëmijë, çfarë kërkoni?
Dua të drejtën e tij, dua pronat.
Si e morët vesh lajmin?
Nga televizori, e kishin marrë njerëzit e mi që më thanë, se unë nuk i kisha parë lajmet, do ikja në punë.
Si ishte gjendja e tij?
Nuk më kishte thënë gjë. I çoja ushqime, i hidhja lekë. Tani në kohën e pandemisë nuk shkonim fare.
Ju thoni se është vetëvrasje?
Nuk e di, nuk më linte pikë dyshimi, edhe kur e takoja më thoshte ‘prit se do vij, asnjëherë s’më thoshte gjë’. /a.y/noa.al