Transmetuar më 19-06-2020, 21:00

Një i ri nga Gjakova ka kërkuar të gjejë një ushtar italian me të cilin ka pozuar në vitin 1999 gjatë kohës së luftës.

Në ditën e çlirimit të Kosovës, Shpend Lila, i ka shkruar në Twitter ministrit italian të Mbrojtjes, Lorenzo Guerini, duke iu lutur të gjente një ushtar italian nëpërmjet nëj fotografie të 1999-ës, ku kishin dalë bashkë.

"I dashur Ministër, kjo është një fotografi e imja me një ushtar italian në vitin 1999. Ju lutem më ndihmoni ta gjej atë që të mund ta ribëjmë këtë foto në Gjakovë, Kosovë. Do të ishte e shkëlqyer,” – shkruan Shpend Lila.

Dhe ministria italiane e Mbrojtjes i është përgjigjur pozitivisht:

“I dashur Shpend, kemi marrë një lajm të mirë për ju: ne kemi gjetur ushtarin në foton tuaj. Ju lutemi na dërgoni detajet e kontaktit privatisht në mënyrë që ai të kontaktojë me ju”./noa.al/