Me mijëra shqiptarë janë në pritje të hapjes së kufirit me BE. Por vala e dytë e Covid duket se ka ashpërsuar masat për lëvizjen edhe të vetë qytetarëve të vendeve të BE-së.
Kështu kancelarja gjermane u ka bërë thirrje qytetarëve të saj që të shmangin lëvizjet, e njëkohësisht u ka kërkuar autoriteteve për të mos lejuar grumbullime.
Kancelarja gjermane Angela Merkel, u bëri sot thirrje gjermanëve që të shmangin grumbullimet dhe udhëtimet për shkak të koronavirusit.
Autoritetet kanë vendosur një sërë masash për të parandaluar një valë të dytë të COVID-19.
“Ne duhet të bëjmë gjithçka për të parandaluar përhapjen e koronavirusit. Çdo ditë është shumë e rëndësishme”, tha Merkel.
Ndërkohë Gjermania ka shënuar rritje të rasteve ditore, duke regjistruar 7,830 raste, bën me dije Instituti Robert Koch.
Politikanë së bashku me ekspertë shëndeti i kanë bërë thirrje qytetarëve që të marrin masa individuale si edhe të shmangin kontaktin e afërt me të tjerët.
Kjo do të thotë se të paktën për muajt e vjeshtës ka edhe më pak shanse për të huajt, që duan të vizitojnë në një kohë të afërt Gjermaninë.
/NOA.al