Transmetuar më 08-04-2021, 15:29

Vendet e Europës kanë nisur të lehtësojnë procedurat e udhëtimit për shqiptarët, pas masave të rrepta shtrënguese që u morën prej pandemisë.

Zvicra ka hequr Shqipëria nga lista e vendeve me rrezikshmëri të lartë infektimi nga COVID-19.

Masat e reja aplikohen për të gjithë ata të cilët lejohen të udhëtojnë në Zvicër.

Vendimi vlen për shtetasit shqiptarë me leje qëndrimi në Zvicër apo shtetas zviceranë të cilët udhëtojnë nga Shqipëria.

Duke filluar që prej datës 8 prill, shqiptarët që do të udhëtojnë drejt Zvicrës nuk do të kenë më detyrim karantinimi në momentin e mbërritjes.

Heqja e Shqipërisë nga kjo listë parashikon që udhëtarët nga vendi ynë në drejtim të Zvicrës, të cilët udhëtojnë në rrugë ajrore do të kenë detyrimin të plotësojnë një formular digjital me të dhëna dhe të paraqesin rezultatin negativ të testit PCR të kryer jo më herët se 72 orë para udhëtimit.

Për ata që udhëtojnë në rrugë tokësore me mjete transporti publik do të aplikohet vetëm plotësimi i formularit digjital, pa pasur detyrimin e paraqitjes së testit negativ PCR.

Ata që udhëtojnë me automjete private në rrugë tokësore nuk kanë detyrim të paraqesin asnjë nga dokumentet e mësipërme. /a.m/NOA.al