Edhe Elbasani është përfshirë nga aksioni kombëtar i prishjes së ndërtimeve pa leje në vend.
Një ndër objektet ka qenë i ashtëquajturi “Kali i Trojës” në unazën jugore të këtij qyteti.
IKMT ka argumentuar se e e ka ndërmarrë këtë aksion me pretendimin se objekti pengonte levizjen e qytetarëve në trotuar dhe se tërhiqte vëmëndjen e drejtuesve të mjeteve teksa përshkonin aksin nacional Elbasan- Librazhd.
Një aksion i tillë u ndërmor edhe para 6 viteve duke rrëzuar trupin e kalit. Por gjatë aksionit trupi i objektit ra mbi eskavator dhe ky aksion u ndërpre.
Pirgje inertesh, betoni dhe hekuri kanë mbetur tashmë në atë vend dhe kërkohet pastrimi i tyre. Burime pranë ideatorit të vepres bëjnë me dije se objekti ishte i lëvizshëm, por autoritetet nuk i kishin lënë kohën e mjaftueshme për ta zhvendosur.
Krahas këtij objekti në Elbasan janë prishur dhe disa ndërtime pa leje dhe aksioni do të vazhdojë në ditët e ardhshme.