Alejandro Balde ka rinovuar me Barcelonën deri në vitin 2024. Lojtari i ekipit B, mbrojtës i majtë, është një nga kampionët e rinj të mëdhenj të mundshëm të ekipit katalanas, aq sa presidenti Laporta e ka blinduar atë me një klauzolë lirimi 500 milionë euro.

Aq do të duhen tashmë për ta rrëmbyer talentin e ri nga Barcelona. Diçka praktikisht e pamundur, si të gjitha klauzolat e tjera kaq në modë në Spanjë dhe Portugali, të cilat megjithatë panë rekordin e një blerjeje të vetme, kur PSG pagoi 222 milionë euro për Neymar.

17-vjeçari i lindur në Barcelonë nuk ka lidhje familjare me Keita Balde, një ish-sulmues i Lazio dhe Interit.

I lindur më 2003, i trajnuar për korsinë e majtë, ai është pjesë e blaugrana-ve që nga viti 2011, duke filluar nga kategoritë më të ulëta të të rinjve deri tek ekipi B.

Falë paraqitjeve të tij me ekipin e dytë, Koeman e ka thirrur në përgatitjet parasezonale të verës dhe ka shumë të ngjarë të mbështetet tek ai gjatë sezonit 2021-2022, ndoshta në fazat paraprake të Kupës së Mbretit.

Barcelona aktualisht mund të llogarisë vetëm Jordi Alba në krahun e majtë të mbrojtjes. Balde mund të bëhet zëvendësuesi i tij në vitet e ardhshme, ose ndoshta qysh sezonin e ri.

Të presim e ta shohim. Ndërkohë, rinovimi garanton një të ardhme të sigurt të tij në Katalonjë.