Pas nënshkrimeve të yjeve (Donnarumma, Hakimi, Sergio Ramos), PSG gjithashtu rinovon kontratën e trajnerit të vet, Pochettino. Zgjatja e marrëveshjes deri në vitin 2023 është zyrtare.

Klubi parizien e njoftoi atë në faqen e internetit: "PSG është i lumtur të njoftojë se Mauricio Pochettino dhe stafi i tij janë të lidhur me klubin tonë deri më 30 qershor 2023".

Qëllimi i PSG mbetet triumfi në Europë, për të ngritur përfundimisht Champions League. Një objektiv që Pochettino dëshiron ta arrijë sezonin e ardhshëm.

Ja fjalët e Pochettino: "Unë jam me të vërtetë i lumtur, edhe për stafin tim. Është shumë e rëndësishme për ne që të ndiejmë besimin e klubit. Do të bëjmë gjithçka për t’i bërë tifozët krenarë.

Kjo është arsyeja pse ne shpresojmë që të arrijmë qëllimet tona së bashku. 20 vite më parë isha kapiten i kësaj skuadre, sot jam trajneri i saj. Është një ëndërr e realizuar".