Deri pak vite më parë, zor se e kishim në konsideratë që të bënim një abonim në Netflix, por kohët e fundit, kjo videotekë dixhitale është shndërruar në një modë të të parit TV për shumë njerëz.

Netflix, themeluar më 1997, ka arritur të sigurojë shumë serialë dhe filma dhe transmeton edhe premiera të shumta që në kanalet TV të zakonshme duan muaj e vite që të transmetohen.

Ndërsa mund të jemi duke parë gjithnjë e më shumë Netflix, disa gjëra për të jo të gjithë i dinë.

1.Një burrë i quajtur Marc Randolph themeloi Netflix. Ideja e krijimit të Netflix erdhi në 1997 kur CEO-themeluesi u ngarkua me një tarifë prej 40 dollarë për një kthim të vonshëm të një kopjeje të VHS të Apollo 13. Punonjësit janë betuar për fshehtësinë dhe askush nuk e di për vendndodhjen e “magazinave të DVD”. Blockbuster, një kompani tjetër e DVD me qira refuzoi oferta të shumta për të blerë Netflix. Emri i parë i Netflix ishte Kibble.

2.Netflix u lejon punonjësve të saj të bëjnë ditë pushimi sa të duan.

3.Netflix vlerëson se një përdorues shfleton bibliotekën Netflix vetëm për rreth dy minuta, para se të bëjë një zgjedhje ose thjesht të heqë dorë. Abonentët shikojnë mesatarisht 2 orë përmbajtje në ditë.

4.Netflix është një vit më i vjetër se Google! Google filloi më 1998.

5.Gjatë kohëve të hershme të internetit në 1997, Netflix ofroi DVD me qira të pakufizuar përmes postës për një abonim mujor, pastaj filloi të ofrojë shërbime transmetimi në vitin 2007.

6.Netflix u nominua për Oskarin e tij të parë në vitin 2014. Ishte gjithashtu shërbimi i parë transmetues që fitoi një çmim të madh të Hollivudit.

7.Njerëzit që kanë fëmijë kanë më shumë gjasa të kenë një abonim në Netflix.

8.Netflix transmeton programe të ndryshme në vende të ndryshme. Kështu nëse ju keni ndjekur Netflix në SHBA, nëse e përdorni në Shqipëri do të kuptoni se shumë programe mungojnë. Të shohësh Netflix nga Shqipëria është po ashtu ndryshe nëse shihni nga Italia apo Greqia. Videoteka dixhitale ndryshon nga shteti në shtet, pasi shumica e programeve blihen me të drejtë lokale autori. /noa.al