COVID19/ Ministria e Shëndetësisë: 500 testime, 52 qytetarë të infektuar, asnjë humbje jete dhe 20 të shëruar në 24 orët e fundit

Personat që po identifikohen çdo ditë me kovid në vendin tonë, janë me dhjetëra, por ajo që po shqetëson kohët e fundit është rritja e ndjeshme e pozitivitetit të testimeve.

Këto ditë, 10 deri 15 për qind e testimeve dalin pozitivë, ndërkohë që pak muaj më parë kjo përqindje ishte deri në 3-4 për qind.

Edhe në 24 orët e fundit ashtu si shpesh këto ditë, më shumë se një në dhjetë tamponë del pozitivë dhe këtu flitet për testim vetëm të një personi në familje apo rreth familjar.

Ministria e Shëndetësisë tha se në 24 orët e fundit, janë kryer 500 testime, nga të cilatmbi 10 për qind kanë rezultuar pozitivë me COVID19. Konkretisht janë 52 qytetarë, në këto bashki:

28 në Tiranë, nga 3 qytetarë në Fier, Roskovec, Lushnje, Vlorë, nga 2 qytetarë në Divjakë, Selenicë, Gjirokastër, nga 1 qytetar në Shkodër, Durrës, Kamëz, Kavajë, Himarë, Sarandë.

Aktualisht janë 328 qytetarë aktivë me Covid19 në gjithë vendin.

Në spitalin COVID3 po marrin trajtim 3 pacientë. Në 24 orët e fundit nuk ka asnjë humbje jete me Sars-Cov2.

Janë shëruar 20 qytetarë gjatë 24 orëve të fundit, duke e çuar numrin e të shëruarve në 272,865 që nga fillimi i epidemisë.

Statistika (11 Qershor 2022)

Raste të reja ditore 52

Të shëruar në 24 orë 20

Të shtruar në spitale 3

Humbje jete në 24 orë 0

Testime ditore 500

Testime totale 1,834,723

Raste pozitive 276,690

Raste të shëruara 272,865

Raste Aktive 328

Humbje jete 3,497

Shpërndarja gjeografike e rasteve aktive sipas qarqeve:

Tiranë 232

Fier 44

Vlorë 20

Korçë 8

Shkodër 7

Durrës 6

Elbasan 4

Gjirokastër 4

Berat 2

Lezhë 1